حب خطف قلبي و ضيع صوابي

[النايفة]

السلام عليكم و الرحمة ...
يا حياكم الله ...
إخواني و خواتي أعضاء وصال ...
ذكرت فيما سبق بأني قاصة هاوية ... ولكن جديدي لا يزال في خيالي
أما اليوم فقد جئت لكم بحكاية ...
تحمل الطابع الإماراتي ...
ليست من كتاباتي ولكن هي من كتابات المبدعة دائما ... .. كاتبة تدعى أم الظفاير
و أتمنى تنال إعجابكم ....
فلنبدأ :

الجزء الأول
========


في العين دار الزين وبالتحديد في بيت سيف الظاهري ( بو سالم ) كانت العايله
كلها متيمعه في الصاله يشوفون مباراة العين وكان ريل اخت سيف (خليفه المزروعي
بو محمد)وياهم وكلهم كانوا مندمجين في المباراه اللي قاعد عالكراسي واللي
منبطج على الأرض واللي يناقز يعني العايله كانت مربوشه على الأخير
بو سالم : أقول خليفه ها شو ظنك بيفوزون شبيبتنا ولا لا
بو محمد: والله مادريت يا يبين عليهم goolوالحين بيخّلص الشوط الاضافي
ومااعتقد انهم يفوزون
بوسالم: عوذ بالله منك انته ماتفاول الا بالشر, قول انشالله بيفوزون يا أخي
ارفع معنوياتنا شوي
بو محمد: عاد انته سألتني وأنا جاوبتك
بو سالم: أنزين تراهن؟
بو محمد: على شو؟!!!!
بو سالم : سمع اذا فازت العين تعزمنا كلنا في عزبتكم وتطلب النا غدا معاريس
من مطعم اليحر ولا الهيلي وتيبلنا يا عيّاله يا حربيّه
بو محمد : ولو ان السالفه فيها خسارة بيزات ،بس خلاص تم ،لكن اذا خسرت
بو سالم : عليه العزيمه
بو محمد : خلاص عيل زهب عمرك من الحين
وان شوي الا والعيناويه يدخلون قول ويتناقزن كل البنات ( الريم,ميثا
,موزه,عليا) ونسن ان ريل عمتهم عندهم ويقوم بو سالم من محله ويفر القحفيه
ويقعد يصفق من الفرحه والمعلق يقول
GoooooooooooooL
وبدن المنورات يشتغلن برى وقام بو سالم من الفرحه ربع برى وزقر بناته وبو
محمد عنده وبطل سيارته وحط الشريط اللي فيه أغاني خاصه للعيناويه وقعد ايول
من الفرحه والبنات قاعدات يصفقن ويشجعن بوهن عاليواله
بو سالم وهو مرتبش: ها خليفه منو اللي بيزهب عمره الحين
بو محمد يتهرب: أترخص عنكم تأخرت على حرمتيه
البنات يظحكن على حركة ريل عمتهن
بو سالم: أفااااااااااااا يا بو محمد ثرها كلمتك هب كلمة عرب
بو محمد : يا ريال أسوي سوالف ، تعرف يابو سالم أن العزبه وهل العزبه والبوش
اللي في العزبه يفدونك انته وهلك، خلاص يابويه زهبوا عماركم من اللحين يوم
الخميس انشالله انتوا عندنا في العزبه ،وبعدين طلع بو محمد ويا ابو سالم صوب
القهوه عند سالم ومحمد (عيالهم) ومناك بيروحون صوب المسيره اللي بتبدا من
نادي القطاره ألين بوظبي وبترد مره ثانيه صوب العين
وتمن البنات ارواحهن في الصاله كانن مستانسات عالأخير لانهن بيروحن العزبه
وبتستوي اليواله والربشه هناك، وتربع موزه صوب امها فوق تبشرها بفوز العين
لأن امها حامل في الشهر التاسع وتعبانه مالها بارظ اتشوف مباريات في
التلفزيون

الريم: بنت حلوه عيونها وساع وسود وجسمها يذبح من حلاته وعمرها20 سنه وهي في
التقنيه
عليا: بنت ماعليها كلام جمالها روووعه سبحان اللي صورها عيونها سود ووساع
ورموشها ظليله وهي غاديتلكم شرات الزبده من بياظها ونعومه وااايد وشعرها
طويييييييييل وأسود وفيها غمازات وثمها حلو ومليان شوي ( دلاعي ) وظروسها
ماشالله صف وصغار وثناياها أطول عن ظروسها الباقيات بشوي يعني مش وااايد
( ثنايا الأرنب ) ،وهي أحلى وحده من بنات سيف وأكبر من الريم بسنه وتدرس في
الجامعه
ميثا: بعد حلوه وشعرها طويل وعيونها وساع وبيظا وجسمها حلو وخاصة طولها يوم
تقوم على حيلها اللي يناظرها يدوّخ من حلات طولها وعمرها 16 سنه وهي في ثاني
ثانوي ( أدبي )
الريم: ياسلالالالالالالالالالام بنروح عزبة عموه عفراء
عليا: هي والله اني ماصدق اش كثر مشتاقه حق البر، وريحة حليب البر، وسواقة
الدراجه ياسلالالام تحمست
ميثا : طاعوا هاي مشتاقه لسواقة الدراجه ،مالت عليج صدق ان ماعندج سالفه
عليا: ليش انشالله انتي لشو مشتاقه ؟؟؟؟؟؟
ميثا : لعرب عيونهم سود
عليا والريم قامن من على الكرسي وعفدن في ثبان ميثا وقالن كلهن ويا بعض :
منو؟؟؟؟؟؟؟؟؟؟؟؟؟؟؟؟؟؟؟
ميثا وهي تسوي حركه بيدها : مابقولكن موتن حره
الريم: ميثوه يالسباله قولي عاد
ميثا: لازم تعرفون مش لازم
عليا: دخيلج قولي
ميثا وهي قاعده تفلسف عليهن : يا بنات الحب ترخص قيمته لو نشرته
الريم: يييييييييييه انزين شوفي أنا بقولج أسماء عيال عمتيه وانتي قولي أي
واحد فيهم
( ذياب, أحمد ، منصور ، محمد) ومن قالت الريم الأسم الأخير فز قلب ميثا من
غلات راعي الاسم ، مشالله عليه محمد ولد عمتهن عفرا ريال يجنن خذ جمال
المزاريع كلهم وانتوا عاد تعرفون جمالهم مافي داعي أوصفه وهو في الكليه وعمره
20 سنه وعنده حركات مغازل بس مش مثل سالم ولد عمه
عليا: والله اني عرفته محمد صح؟؟
ميثا: يالله ياعساني ماانحرم يا محمد يا أحلى اسم
الريم: ياالله ياالله وستوينا نعد بعد
عليا: ميثوه يالخاينه نحن خواتج وماتخبرينا من متى تحبينه ؟ وهو يحبج ؟ وكيف
استوى كل هذا ؟ يالله خبريني بسرعه ترا مافيني صبر
ميثا: بل عليج كل هالأسئله تبيني أجاوب عليهن
الريم: هي يالله دخيلج سرعه ترا حتى أنا مافيني صبر
ميثا: انزين انزين شوي شوي بالراظ عليه ،أنا ما أحبه بس يعيبني
عليا: أوني أوني ماحبه، انزين ليش تكابرين قولي أحبه وفكي عمرج وفكينا وياج
ميثا: صدقوني ما أحبه بس يوم أشوفه أرتبش
الريم وهي تغني: والله اني من أشوفك أرتبش
ودشت عليهن ختهن موزوه الرويتر وسكتن البنات
موزه : بنت حبوبه وهي اختهن الصغيره مؤقتا بس رويتر ماخذه دكتوراه في هالشغله
وهي بيظا وشعرها لين اكتوفها ولونه بني فاتح وعيونها حلوات لونهن نفس لون
شعرها وهي بعدها بنوته ملامحها ملاح وحده بيبي وعمرها 13 سنه وهي في ثاني
عدادي ومن طبايعها انها حساسه بشكل كبير ودلوعه بشكل أكبر
موزه: ها ليش سكتوا ؟؟!!!!
ميثا: ماشي خلصت السالفه
موزه : هي أتحرى
وتمشي عنهن شوي وتروح صوب حجرتها عشان اتذاكر ،وتمن البنات ارواحن في صالتهن
فوق
الريم : أقول بنات شو رايكن انروح نمشي الساعه 9
ميثا: اللللللللله فكره حلوه
الريم: ها علايه بتروحين ؟
عليا: مادري يصير خير
وأقنعن البنات عليا انها تروح وياهن ويت الساعه 9 وطلعن البنات يمشن برى في
الحاره وهن يمشن يخطف "الفراري الأسود" سيارة ولد خالتهن بطي
بطي: ريال يهوس، فيه جمال ماقد طاح في بشر عيونه نواعس وسود، وشعره تحت اذنه
ونعييييييييييييم ولونه أسود، وخشمه سليل، ولونه حلوه، وجسمه عذاب، وهو من
بوظبي وفي الكليه وعمره 22 ويموت على بنت خالته عليا
عليا اتكلم وهي تفرك اعيونها : بنات تشوفون اللي أشوفه ولا أنا عميا
الريم وميثا وهن فاجات عيونهن من حلات بطي : لا انشوف ياحبيبتي نشوف
ميثا تغمز حق علايه : ياعيني يا عيني فازعلج من بوظبي مخصوص لج بعد شو تبين
الريم: عنبوها محلات الفراري وهو فيها وااايد تناسبه ،ولا دخيلكم جوفوه شقا
محلو ، يحظها اللي بتكون من نصيبك يابطوي
عليا : دخيلكن خلنا نقعد شوي عالرصيف ماروم أمشي ريولي تيبسن وقعدن البنات
عالرصيف وخطف من عدالهن بطي وهو مسرع ومطول على غنية أصيل " واقف على بابكم
وامسير أسأل على اللي ما سأل محبوبي لصغير " وعرفت عليا انها هي المقصوده
معنا الريم أصغر منها بس الله يهديه بطي مب مخلي حد لافي بوظبي ولا في دبي
ولا في الامارات السبع كلها الا وعرف انه يموت على بنت خالته عليا ،وقامن
البنات وكملن المشي وبطي مخفف السرعه ويتبعهن ،يحرس شوقته من الناس
الريم: بنات دخيلكن وحده تروح تكلمه تراه والله لو خطف سالم ولا بويه بيكون
آخر يوم في حياتنا
سالم: اخوهم الكبير وهو ريال حلو ومافيييييييه حيله عليه ظحكه تينن الصاحي
وفيه غمازات نفس خته عليا وهو مب أبيض ولا أسمر لونه حلو وكشييييخ وراعي
مغازل من الدرجه الأولى
الريم: ياسلام ونحنا شولنا خص هو اللي يتبعنا هب نحن نتبعه
ميثا: عندي فكره شو رايكن اندش بيت قوم عمتيه عفرا هاذوا قريب الا لفه بنسلم
عشيخوه ومني انسلم على عمتيه
الريم بخبث: يايه تسلمين ولا تشوفين العوق
ميثا: لا والله أصلا هو مستحيل يكون موجود هالوقت في البيت تحصلينه في المول
وشاف بطي بنات خالته يدخلن بيت عمتهن عفرا ومات من الغيره على عليا كان شوي
وبينزل بس قال لا خلني أعذبها شوي وحط شريط عيضه وشغل غنية "لاباس " وظرب
هذاك الويل اللي ماشي عقبه وطاح قلب عليا من سمعت الويل حليلها خافت على بطي
وطلعت برى تربع اتشوف شو السالفه ويوم شافها بطي رد ريوس بسرعه وبطل الدريشه
ورفع شعره الأسود النعيم عن عيونه وطالعها بنظره تشفي المريض من العلّه
وتمت عليا مستخفه من نظرة عيونه ومن حلاته وتمت تغني في خاطرها وهي مبتسمه
غنية ميحد " جميل الشكل أنا لجله طموحي جميل مجمل محلى جماله ونظراته وبسماته
ذبوحي جماله مايفارقني خياله"
وبعدين دخلت عليا بيت عمتها ودشت الصاله وحصلت خواتها ويا عمتهن
عفرا ( ام محمد) وشيخوه بنتها
شيخه: اخت محمد الوحيده وماشاالله عليها حللللوه وبيظا وطويله وعمرها 17 وهي
في ثالث ثنوي وفي نفس مدرسة ميثا
عليا: السلام عليكم
ام محمد: وعليكم السلام مرحبا بنتي عليا شحالج
عليا : الحمدالله عموه بخير وسهاله
ام محمد: قعدي قعدي فديتج ويا خواتج لاتستحين بروح أيب الكن عصير
البنات : لا عموه مانبا شي نحن بس يايين انسلم عليكم وبنروح
ام محمد على هواكن البيت بيتكن واذا بغيتن شي روحن حطنه لاتستحن
البنات: انشالله عموه
وراحت عنهن عمتهن صوب اربيعتها سلامه وتمن البنات ارواحهن في البيت
شيخوه وهي تقرص علايه من كتفها : ليش تأخرتي يالسباله ، شووووووو كنتي تسوين
برى؟؟؟!!!
الريم : شافت العوق يظرب ويل يبا يخبل ابها الهرم
شيخوه: منو؟؟؟؟؟
ميثا: منو بعد ، بطوي ولد خالتيه روضه
شيخوه: هي وأنا أقول شبلاه الويه منجلب 180 درجه
عليا وهي مستحيه : ايييييييييييه بس عاد
وتمن البنات يسولفن ونسن عمارهن ويت الساعه 11 وهن بعدهن ماظهرن من بيت عمتهن
عفرا

• هزركم شو بيستوي يوم بيردن البيت ؟
• وشو آخر التطورات اللي بتستوي بالثلاثي الكوكباني ؟

تحياتي لكل قارئ ...
النايفة

[المجنونه]

هلا حبوبه نايفه شكل القصه رووعه ان شالله بكملها بعدين
الله يعطيج العافيه
المجنونه

[مافيـا]

(((6)))


يااااا ربي لا تحطوووون قصص

تراني بنتحر ما روم ازخ عمري عن القرايه

واذ قريت بنسى شي اسمه دراسه (((16)))

ع العموم اوعـــــدج بس اخلص امتحاناتي

اكمل قصتج ...

تحياتي لج الغاليه

الغــلا

[النايفة]

الغلا ...
====
مرحبا بج عد مزن في غمامي و إن زادن فلا باس ....
الله يهديج إختيه ... بيودها لج لين ما تخلصين إمتحانات " يالله اللي يقول أنا ما ورايي شي (((45)))"
يالله عشان تذاكرين أنا بشجعج عالمذاكرة ....
عاشت الغلا
.
(((15)))
.
عاشت الغلا
.
(((15)))
.
عاشت الغلا
.
(((15)))
.

تحياتي لج غلاية و شدي حيلج ...
إختج اليوم و الدوم ... النايفة

[مافيـا]

7
7
7

(((19)))

خ خ خ

شوفي ماقدرت اني ما اقراها

عسب جي يالله نزلي الجزء الثاني (((1)))

ب
ر
ب

[النايفة]

إهداء للغلا ....

الجزء الثاني
=======
وردن البنات من بيت عمتهن عفرا ويوم دخلن المدخل حصلن ليتات الميلس امبطله
ولأن بابهم زجاج يبين ان فيه حد داخل، بس ماينعرف منوه لأن الزجاج مظبب ،وأول
ماعرفن ان اللي داخل ريال طلعن من المدخل ودشن من الباب اللي ورى وراحن صوب
الصاله وكان ابوهم في الصاله ويوم شافهن داشات يا صوبهن وهو معصب والبنات
ميتات من الروع يتحرنه بيظربهن
ابو سالم وهو معصب : ها الشيخات من وين يايات ؟؟؟
عليا وهي متخصبقه : ها لا هي ماشي كنا نمشي في الحوش
ابو سالم: بلاج اتحرطمين تكلمي عدل
عليا: آسفه بويه ، لأني تعبانه من المشي ما أقدر أتكلم
ابو سالم: وانتن شبلاكن ساكتات
الريم وميثا : لاماشي بويه ترى قالتلك عليا كنا نمشي في الحوش
ابو سالم: انزين قومن حطن العشا في غرفة الطعام ولد خالتكن بطي بيتعشى عندنا
وبيبات الليله هني
عليا وهي فرحانه: صدق ؟؟!!!!
ابو سالم يحيس راسه على ينب نفس اليهال : لا أكذب عليج
الريم : يعني بيروح ويانا ياجر
ابو سالم: بنتشاور وياه وذا طاع يروح حياه الله
بو سالم يعرف ان بطي يبا عليا تكون من نصيبه بس هو ساكت لأن ماشاف شي من
البنت يثبت له انها تباه ،وراحن البنات المطبخ عشان يحطن العشا وتمن البنات
يسوقن الأكل من المطبخ لين غرفة الطعام وبقت المهمه الأخيره واللي هي الترتيب
على عليا ورتبت عليا المكان عدل ،وقامن البنات وزقرن بوهن عشان يقرب ببطي
وراح الأبو زقر بطي وسالم ولده عشان يتعشون والبنات راحن وقعدن في الصاله
يطالعن التلفزيون، قامت عليا عنهن وراحت عند ليتات الصاله وسكرتهن وتمت تراقب
بطي من الزجاج اللي في الباب ،وطولت وااايد وهي تراقبه يلين ماتعبت وعقب راحت
المطبخ وباب المطبخ مقابل حمام الريايل وفي نفس الوقت اللي دشت فيه عليا
المطبخ دش فيه بطي الحمام ،حليلها عليا ماتعرف ان بطي في الحمام وكانت اتغني
وماشالله وعلى صوتها وااااااايد حلو وكانت تغني غنية ميحد " السوالف" وخصت
الغنيه بالمقطع اللي يقول فيه ميحد" لأن قلبي ياوليفي عند غيرك مايوالف أشعر
براحه اذا شفتك واحس بجاذبيه
كان بطي يسمع عليا من أول مادشت المطبخ لين ماظهرت منه بس هو ماتكلم وهي
حليلها عنياتها ماكانت تعرف ان حد في الحمام وطلعت عليا وطلع بطي من الحمام
من عقب ماغسل ايده وراح غرفة الطعام وهو مستانس لأنه حس ان ها الغنيه عليه
بطي يكلم سالم: بسك من الأكل بتمتن علينا
سالم: خلني آكل انته شعليك روح الميلس الحين بيك
وراح بطي الميلس وشاف عليا ، عليا كانت شاله دله وكواب حطتهن على الطاوله
ولفت عشان تظهر ويوم لفت ظرب جسمها في جسم بطي وماتت من الحيا ماعرفت شو تسوي

عليا وهي موطيه راسها واتكلم بخجل: سمحلي ماشفتك
بطي : لا مسموحه الغاليه ، هاه شو فيها الدله
عليا: حليب بوش
بطي: وعععععععععع
عليا :ليش ماتحبه ؟
بطي: امتعدت منه لوعت بكبدي خالتج كل يوم قبل لا أظهر تسقيني دله كامله
عليا وهي تضحك: أجدت فيك
وتم بطي اروحه في الميلس وهو امره حالته هب حاله مظيع شاردن ذهنه في جمال
عليا وظحكتها وثناياها ولا آآآآآآآآآآآآآه يوم ظرب جسمها في جسمه شعر ينبه
يوقف وخمس دقايق الا سالم وابوه داشين عليه في الميلس ويقطعون حبل أفكاره
بو سالم عقب ماشبع من الأكل ورتاح قعد على الكرسي يكلم بطي وهو يتمتح بيدينه:
يامرحبا من يانا والله ونورت العين
بطي: بوجودك عمي دايما منوّره
سالم: بطوي باجر بنروح عزبت قوم عمتيه عفرا بتروح ويانا
بطي : اذا فيها دراجات بروح
سالم: وحياتك مافيها غير البانشي
بطي: خلاص عيل أكيد اني بروح
بو سالم: زهب عمرك لأن بنبات هناك
بطي: ماعليه ولد خالتيه مايقصر كبته ممزور ثياب بيتكرم عليه ببنطلون وقميص
صح؟
سالم: كبتيه يفداك يالغالي
بو سالم: برايكم عيل بروح أحط راسي شوي، تعبان من أصبحت وأنا أرابع صوب
المزارع ويوم رديت رحت صوب المسيره يعني مدوّخ على الأخير
سالم وبطي: نوم العوافي وتصبح على خير انشالله
وعقب ماراح بو سالم راح سالم صوب البنات فوق
سالم: بنيات وحده منكن تروح اتعدل حجرتيه وادخنها
موزه: ليش حرمتك بتي؟
سالم: اقطعي قطع الله وريدج أشوفه لسانج طول هالأيام
موزه وهي امبلقه عيونها : بسم الله انزين شو قلت أنا الحين
سالم: لاتقعدين اطالعيني جي عني بلا هالعيون
وتروح موزه فوق وهي تصيح ما هان عليها خوها الغالي يهزأها جي وهي ماكان قصدها
انها اطول السانها ، هي بس كانت تمزح
عليا: حرام عليك ليش جي تقولها
سالم: ماتشوفينها شو تقول
الريم: عشان خاطريه سالم روح كلمها انت تعرفها موزوه وايد حساسه
سالم: أمري لله بروح أراظيها ولو انه يبالها حد يأدبها
راح سالم عند خته في الحجره وراحت عليا تعدل حجرت سالم
..في الميلس ..
بطي طفر من اليلسه اروحه لأن سالم تأخر عليه ،مل مسكين وتم يدق على موبابيل
سالم ويعطيه مغلق يبا يقوله انه يبغي يروح يرقد ،وتم قاعد في الميلس نص ساعه
وسالم بعده مايا قام بطي وطلع من الميلس وهو يقول في خاطره سامحني ياربي أدري
ان للبيوت حرمه بس هذا اللعين تأخر عليه ،وصل بطي فوق تلفت يمين شمال ماحصل
حد وقال في خاطره الحمدالله اني مالقيت حد من البنات ولا والله فشله ، وراح
صوب غرفة سالم دش الغرفة وقفل الباب وعليا كانت في الحجره قاعده ترتب الشبريه
، مسكينه تبا تصارخ بس ماتروم ويوم لف بطي حصل عليا وراه وطاح قلبه وقال هذي
أحسن فرصه أكلمها فيها
بطي: سمحيلي فديتج والله مادريت انج هني
سكتت عليا ماتروم اتكلم اتحراه بيسويلها شي وربعت صوب الباب تبا تظهر جان
يمسكها بطي عاد هني عليا شوي وبيغما عليها
بطي بصوت واطي : عليا أحبج
عليا: ...........
بطي: دخيلج حسي فيني راعي شعوري ترا والله انه العمر بدونج مايسوى شي ، وشل
ايدها وحطها على قلبه وقالها عليا انتي مكانج هني ومن سابع المستحيلات انه
يتغير وفي الوقت اللي حطت فيه عليا ايدها على قلبه كانت ايدها ترجف وكان قلب
بطي يدق بسرعه كأنه حرب في قلبه من لمسة ايد عليا
عليا: ..............
بطي : عليا تكلمي ليش ساكته ارحميني قوليلي شي
عليا: دخيلك بطي فجني الحين سالم بيي
بطي: عليا أنا أحبج انتي تفهمين ؟
عليا بصوت واطي وبنظره طفوليه مع بسمه : وأنا بعد
ويفج بطي ايد عليا ومن الفرحه كان بيطف من البلكونه بس الله ستر ،وطلعت عليا
عنه وهي تقول في خاطرها يالله فديت عيونه فجأه يظهر خوها سالم في ويها ,عليا
تقول ليكون سمع شي ياويلج ياعلايه ويا سواد ليلج
سالم: ها نظفتي الحجره ؟
عليا في خاطرها الحمدالله ما شافني ولا بيذبحني
سالم: ايييييييييييييه أقولج نظفيتي الحجره ؟
عليا: هي هي نظفتها ودخنتها وتوا بطي داش الحجره
سالم: خلاص انزين مشكوره
ودخل سالم الحجره وستسمح من بطي لأنه تأخر عليه وربعت عليا عند خواتها عشان
تخبرهن بآخر التطورات بينها وبين حبيب قلبها بطي

• ظنكن شو بيستوي باجر في العزبه ؟

[مافيـا]

يا ســــــلام ,,


<<<<<< ياريت هالقصص تصير بالحقيقه

هع هع هع

ويالله نزلي الجزء اللي بعده

(((4)))

ب
ر
ب

[النايفة]

هلا و مرحبا عد ما دنا من بارج المزون ...
إختيه الغالية بنزل الجزء الحينه ...
و عسى بس ما تاخرت عليج ... وعلى الباجين اللي مروا على القصة ...

الجزء الثالث :
========
ويا اليوم الموعود عند العايلتين اللي هو يوم العزيمه وفي بيت بو سالم
العايله كلها ناشه من وقت وكلهم متيمعين في غرفة الطعام يتريقون ويسولفون وفي
نص السوالف يرن تلفون بو سالم
بو سالم: ألو مرحبا....
بو محمد: مرحبتين ها شو هاباتكم ربكم الا جاهزين
بو سالم : جاهزين ونص
بو سالم يكلم العيال : ها جاهزين ياعيال
العيال كلهم وبصوت عالي : جاهزييييييييييييييين
بو محمد : أوووووه الجو عندكم مرتبش
بو سالم: هي عيل شو عيالي بدو يحبون البر
بو محمد: هههههه أقول سيف تراني دقيت عشان أحجز حربيه مثل ماوعدك بس كل الفرق
محجوزه تعرف زحمة الأعراس
بو سالم: ماعليه ترك الحربيه عنك الحين عندنا أكبر يويل
بو محمد : منو ليكون عيال بن صويلح عندكم
بو سالم: لالالالا عندنا أحلى يويل في الدوله بطي بن عمير ولد روضه
بو محمد: هـــــــــــــــــلا خلاص عيل غايته مادام ان بطي بن عمير عندكم
ماله داعي نيب حربيّه وعيّاله
بطي يعلي صوته عشان عمه يسمعه: أفا عليك عمي أعجبك
بو محمد: هههههه يالله عيل نحن الحين بنظهر وبنترياكم هناك
بو سالم: في وداعة الرحمن وربي يحفظكم
وسكر بو سالم عن بو محمد وقامن الحرمات لبسن عبيهن وركبن السياره وراحوا عزبة
بو محمد وفي الدرب نوره ( ام سالم) تكلم ريلها
ام سالم وهي مستغربه : أتخبرك سيف منو هذا اللي يتبعنا حشى من أول ماطلعنا
وهو ورانا
بو سالم يطالع المنظره : والله مادريت ، صبري خليني أخف السرعه ،ويوم خف
السرعه خطفت الرنج عدال سياره بو سالم ووقفت ،وبطل راعيها الدريشه وطلع محمد
ولد عمتهم عفرا ويوم شافته ميثا غرغرن عيونها من حلاته كان طاوي طويه حمدانيه
ولابس كندوره سودا وشال أحمر وشعره ظاهر شوي من تحت الشال
بو سالم: ياسلالالام شها الزين شها الحلاه مانروووووم عالرنج وراعي الرنج
محمد: ههههههههههه ها خالي عيبتك
بو سالم: مافيها حيله ، متى نزل هالموديل ، أمس رايح الوكاله امبوني باخذ لي
وحده بس قالي راعي الوكاله اصبر بتنزل وحده ايدد عقب ثلاث شهور
محمد: لا فديتك هذا الموديل بعده مانزل عندنا أنا طالبنها طلبيه
بو سالم : أشهد انه مافيك حيله ، قم بنتسابق
محمد: أفا عليك امره ماطلبت ، يالله قمّط حرماتك
بو سالم : يالله 123
وبدا السباق بين الرنج والاكس فايف وطبعا الرنج هي اللي فازت لأن بو سالم شال
البنات وحرمته حامل مايروم يسرع وااايد ، ووصلوا العايلتين العزبه وكانت
مرتبه وحلوه ومكانها استراتيجي، نزلن البنات والحرمات وسلمن على بعض وقامن
البنات يترابعن صوب الاستور يبن يستولن على الدراجات ويوم وصلن هناك حصلوا
(بطي ،سالم ،محمد ،ذياب ،أحمد ،منصور) كل واحد راكبله دراجه ومابقى الا ثنتين
من البانشي وحده حق بو سالم والثانيه حق بو محمد والدراجات الباقيات كلهن قوم
70، وتمن البنات يقنعن الشباب انهم ينزلون
شيخه: محمد دخييييييييييييلك قوم بس كم من دوره وبرد
محمد: روحي انتي مستواج قوم ال 70 يالله ركبيلج وحده منهن
شيخه : تخسي الا انت هاذيلا من مستواك يالسخيف
محمد : اللحين أنا سخيف عيل لو تموتين وطيرين وتحلين وتصكين السما وتردين ما
أعطيج تسوقين وشغل الدراجه وركبها ولتفت صوب الشباب وتم يرمسهم
محمد: بقوم أسير عنكم انتوا لحقوني يوم بتخلصون
ذياب: انزين وين بنلقاك
محمد: بروح صوب بدع بن سعود
أحمد: لالالادخيلك قم بنروح عرقوب حرّاكه
بطي: وينك وين عرقوب حرّاكه مشبكينه الحين خلنا انروح بدع بن سعود اسميه فيه
ذكريات ماتنسى
محمد: انزين يالله عيل بروح عنكم ولحقوني انتوا
منصور : صبّر بروح فياك
محمد: يالله انزين
وراح محمد ويا منصور صوب بدع بن سعود ومابقا الا أحمد وسالم وبطي وذياب عند
البنات وكانوا يعبون الدراجات بالبترول ،والبنات يترجونهم عشان ينزلون بس هم
ماطاعوا وتمن خوات سالم يترجنه عشان ينزل بس ماطاع
سالم: ايه فكني من الحشره قلتلكن هب نازل يعني هب نازل ، شوفن موزوه والله
انها شاطره خذتلها وحده من هالدراجات وركبتها
البنات: لا واللللللللللللله نحن يهال نركب هالدراجات
بطي : خلاص يابويه كله ولا حشرة البنات وزعلهن خذن مالتيه دورن ابها كم من
دوره وردنها مش تنقعن فيني خيانه وقال هالكلام وهو حاط عينه في عين عليا على
ساس انه بيعطيهن الدراجه بس عشان خاطرها ،ومن قال بطي هالكلام استحن البنات
الريم قفت بظهرها وهي ظاهره قالت: خلاص مانبا
ميثا: بدق حق بويه بخليه يكلم بو بكر( البشكار اللي في عزبت بو سالم) عشان
يطرشلنا الدراجات اللي هناك
سالم: بتبطين الساع أصلا بو بكر مسافر انشالله منو بيقلص الدارجات من هناك
عليا: خلاص ماعليه نحن بنروح صوب العرااااااقيب الين ماتون انتوا وبعدين نحن
اللي بنتولاهن عدل
وراحن البنات صوب البيت اللي في العزبه وشلن مينو ودقوس والبارد ومزرن
الكرتون كله شفايا وشلت ميثا المسجل والشرايط وكان الجو برى يجنن
برررررررررررد والسما مغيمه وريحت البر فايحه، وتمن البنات يمشن وسوّن سباق
لين ماوصلن العرقوب وأول وحده وصلت هي عليا وعقبها ميثا وبعدين شيخوه وعقب
راحن وبرزن ورى العرقوب وحطن قشارهن وشغلن الجسمي وقعدن يرقصن وأحلى رقص كان
رقص عليا وشيخه وعقب الرقص اتصلت ميثا من موبايلها لربيعتها مريم
ميثا: الو مرحبا ......
مريم: هلا مرحبتين
ميثا: شحالج ربج الا بخير
مريم: الحمدالله بخير شبلاج تنافخين في السمّاعه
ميثا: يالخبله هذا المهب أنا في البر الحين
مريم: في ذمّج
ميثا: هي والله لو تشوفييييييييييييين ربشه ،لمة بنات ،وبررررررد والجو يجنن
ودراجات ،ورقص وسوالف، وشوفة الغراشيب اتسدج آآآآآآآآه ياقلبي
مريم: يعلني فاااااااااااااااارقج يالخامه بس عااااااده لاتغايظين ترى والله
أصنفر عليج
ميثا: لالالالا كله ولا تصنفيرج بعدين بتغدين كويحه
مريم: تخسين يالخايسه محد غيرج كويحه
ميثا : انزين مريوم يالله برايج مافيني أخسر بيخلص رصيدي
مريم: اووووووه نسيت انج من هل البطايق وي وي وي وي وي وي وي
ميثا: حمدي ربج يوم اني دقيتلج ياللي ماتخيلين ولا تستحين
مريم: لالافديت روحج أمزح يالله مع السلامه
ميثا: بااااااااي
وسكرت ميثا عن ربيعتها وتمن البنات يسولفن ويترصدن يمين وشمال من الغراشيب
اللي كانوا في البر لين مايا وقت الغدا وقامن البنات يتغدن وعقب ماخلصن من
الغدا راحن يشوفن الريايل اذا خلصوا ولا لا ، وطلعوا الريايل بعدهم
ياكلون وماخلصوا ،وسولهن حزب وراحن صوب دراجات الشباب واستولن عليهن وركبت كل
وحده في دراجتها، وراحن بالدراجات بعيييييييييد يعني طلعن برى حدود العزبه
وعفّدن ورى العراقيب وهناك كانت شلة شبيبه وعدالهم نيسان راعيها قاعد يقنص
ووراهم اكس فايف حمرا ونيسان من اليداد وواحد راكب خيل وهني عاد البنات
تخصبقن ماعرفن شو يسون تمن واقفات من الروع ،وفجأه سكرت دراجة ميثا
ميثا وهي زايغه شوي وبتصيح : الله ياخذج من دراجه هذا وقته تسكرين
وشافهن راعي النيسان وبطل الدريشه وقعد يأشر حق ميثا ويقولها تبين مساعده ،
وميثا تمت اتصيح من الزياغ ونزلت الريم من الدراجه وشغلت دراجة ميثا ، وراحن
صوب العزبه بسرررررررررعه بس كان الريال اللي في الخيل يتبعهن لين ماوصلن
العزبه ويوم شاف انه وياهن حد راح عنهن ، قربن البنات وشافوا الشباب قاعدين
على الدجه وحاطين الكوار ويوم شافوا الشباب البنات وراعي الخيل اللي كان
وراهن قاموا كلهم ويو صوب البنات
محمد وهو معصب : منو هذا اللي وراكم
شيخه تلف ورى أونها تستهبل : منو أي واحد ؟؟؟؟؟؟؟
سالم يطالع شيخه بنظره غريبه : أونج تستهبلين هذا اللي كان وراكم منو
عليا: هي هذا اللي راكب الخيل
بطي وهو معصب: لا والله وشفتنه وخليتنه يتبعكن وجنه العيد عندكن
ميثا: والله شو تبانا نقوله نحن بنات ومافينا على الرمسه
محمد: انزين شي قالكن
ميثا وهي مرتبكه : لالا ماشي
محمد: يالله دخلن داخل ،والله ين شفتكن ظاهرات برى العزبه بزوالكن
وراحن البنات داخل البيت وتمن يسولفن ويتكلمن عن الريال اللي راكب الخيل
الريم: ايه بنات شفتنه عنبوووووووووه محلاه
شيخوه: هي والله صدق انه يجنن مب عيون عليه ماشالله ماشالله
الريم: هب هباج الله بتعينين الريال
شيخوه: يالسباله انتي ليش نزلتي وشغلتي الدراجه جان تريتي شوي عشان انتمعن
فيه عدل
الريم: والله عاد ماكنت في حاله تسمح اني أقعد أفكر وأخطط حق هالسوالف
ميثا: فكنا دخيلكن لاتذكرني بالموقف ،قومن نطلع برى أحس انه برى مطر
وظهرن البنات برى وان التراب غادي مثل الحطبه من كثر المطر والجو روووووعه
وشوي وان الشباب ياين جداهم ووقفوا قدام البنات وتموا يولون ويبسون ولا جنه
شي استوى وراحت الريم ويابت المسجل وحطت غنية ميحد (طال ليلي) واستوت اليواله
السنعه وقامت موزوه وزقرت الحرمات وتيمعن الحرمات على الدجه لأن فيها مظّله
عن المطر ،وتموا الشباب يولون وبطي قعد ايول قدام عليا وحاط ايده على قلبه
وايبس ويطيح على الأرض ويرتكز عركبه ويبس بالقو وطاحت سفرته ونزل شعره على
ويه وشعره غدا خرسان ماي وهني عاد ماتت عليا على بطي وعلى الحركه اللي استوت
زين مايتها السكته القلبيه وتموا على هالحال لينماخلص المطر وعقب قعدوا
الشباب عند الحرمات على الدجه وتموا يسولفون
ام محمد: شيخوه فديتج روحي عند نعيم ( البشكار) وخليه اييييب النا حليب بوش
والفواله اللي مسونها
ومنسمع بطي حليب البوش ذكر سالفته وياعليا يوم كانوا في الميلس وشاف عليا
وغمز الها بس ماحد انتبه الا هي وهو وعقب ماتفاولوا وارتاحوا شوي قاموا
الشباب
ام محمد+ام سال: هاااااااااوين بها قعدوا
الشباب: لاوالله بنروح نخمس في العراقيب شوي
البنات: دخيلكم ودونا وياكم الله يخليييييييييييييييكم
تشاورا الشباب وقالولهن يالله ركبن ، وركبت موزوه والريم وعليا ويا سالم في
سيارته الرنج ، وميثا وشيخوه وبطي ركبوا في رنج محمد وراحوا صوب العراقيب
وخبلوا بالبنات تخبيل عشان يحرمن يطلبن مره ثانيه شي منهم ،وراحوا صوب الركنه
ونزلوهم من العراقيب اللي هنام والبنات يصارخن والشباب حاطين قطن في أذانيهم
من صوت البنات وعقب ردن البنات صوب العزيه وشافوا بو محمد وبو سالم ونزلوا
الشباب من سيايرهم وقعدوا كلهم على الدجه
ام سالم: ها علومها الروحه ويا هاذيلا المخّرش
البنات: آآآآآآآآآآآآآآآآآآآآآآآآآآآآآآآآآآآآآآآه ياقلوبنا ياليتنا مارحنا
وياهم حشا فروا عقولنا فر وردونا
بو سالم: اجدوا فيكم عشان تحرمون روحة العراااقيب والتخميس فيهن
بو محمد: الحين حلت القعده يوم انه بطي بن عمير اليويل وصل وبيول النا الحن
صح بطي
بطي: خلاص عمي يلنا وخلصنا
منصور: أوووووووه يابويه طافتك يوالة بطي
أحمد: دخيلك بويه ارفق عليه خله يقوم ويول
بو محمد: يالله بطي قم يول
بطي: والله تعبان ياعمي ومافيني شدّه حق اليواله
بومحمد: يالله بطي ورفقة بو خليفه انك تقوم
وقام بطي ويال هاذيج اليواله اللي ماشي ايي من عقبها وقام بو سالم وبو محمد
وتموا يرزفون وياه والحرمات يصفقن وتم هذا اليوم من أحلى الأيام بالنسبه
للعايلتين ،وراحوا كلهم عالساعه 2 الفليل يرقدون وبالباجر الصبح نشوا عالساعه
11 الظحى وطلعوا كلهم برى وماشافوا حد من الشباب قالوا أكيد راحوا يلعبون
بالدراجات فستغلن البنات الفرصه وراحن عند امهاتهن برى
ميثا: هلا والله بامي عد مزن في غمامي
ام سالم: ها شعندج ادريبج مش من الله هالترحيب
ميثا : أفاااااااااا يامي الحين أنا ماأرحب بج من الخاطر
ام سالم: والله مادريبج
وراحت شيخوه عند امها وحبتها عراسها وتمن البنات يسولفن وكانت ميثا قاعده حذا
شيخوه وقاعدات يتشاورن بنهن يردن البيت يتسبحن ويتعدلن ويردن العزبه
شيخوه: هااااااا ميثوه شوقلتي انروح ولا لا
ميثا: بنروح شعلينا
وتمن شيخوه وميثا يقنعن امهاتهن بنهن يردن البيت ويباتن الليله في العزبه
ويغيبن باجر يوم واحد مابيأثر عليهن ،وطاعن الامهات وراحت ميثا وخبرت
خواتها بنهن بيروحن البيت وبيتسبحن وبيردن ، وقامن البنات واستأذنن من
امهاتهن وراحن بسيارة بو محمد ويا الدريول وكانت استيشن 2004 ومركب الها مخفي
شااااااامل وعاكس ، ووصلن البنات البيت اتسبحن واتلبسن وراحن صوب السوبر
ماركت عشان يشترن شوية حلاوه ومينو وعصاير وردن صوب العزيه وهن رادات صب مطر
قوي وفي الدرب وقبل بدع بن سعود كانت زحمة سياير وموقفين على الشارع يمكن حول
30 سياره يحرقون في الشوراع ، ارتبشن البنات من شافن السياير والشبيبه
والحركات بس ماوقفن عشان يتشوفن ،راحن قدام وان شوي وتقول امة محمد كلها هناك
يمكن حول 400 سياره متيمعين كلهم تحت نزلت العرقوب ومسوين دويره
كبيييييييييييره عسيارة النيسان اللي راعيها كان يخمس في التراب ومن شافن
البنات هاليمعه قالن حرام نظيع هالفرصه ومانتشوف هالمزاين ووقفوا السياره
وتمن يطالعن وان شوي وتظهر سيارة بطي امبينهم الفراري السودا اللي خطفت كل
الانظار يوم ظهرت ، وكان بطي مخفي الرقم وحاط عليه لزق عشان اذا يت الشرطه
يشردون وتم بطي يخمس ويخمس وتموا الشباب كلهم يصفقون له ، ماتت عليا على بطي
وتمن يشوفنه بس ماطولن لأنهن خافن يكون محمد ولا سالم هني ويشوفون السياره
ويروحن البنات في داهيه ، وراحن البنات العزبه وفي الدرب شافن سيارة همر
كبييييييييره ليتاتها ليتات شاحنه بس كان شكلها كشخه ولونها أصفر وآخر شي ظهر
فيها واحد من الشيوخ كان ياي يطمش على الشباب ، وصلوا البنات العزبه ونزلن
كياسهن من السياره وقعدن برى وان شوي وبطي ياي وسيارته اللي لونه أسود غدت
بنيه من كثر التراب نزل من السياره وركبله البانشي وراح صوب الشباب وتمن
البنات يسولفن والمطر كل شوي يزيد أكثر ، وربع ساعه ان الشباب كلهم
ياين وهم مسرعيييييييين صوب هلهم مستانسين بالمطر ويوم قرب بطي من نزلة
العرقوب نسى يخفف السرعه واطير به البانشي وينجلب بطي من فوق العرقوب وتم
البانشي يتجلب في الهوى لين ماطاح بقوته على بطن بطي ،ويترابعن البنات
والشباب وبو محمد وبو سالم صوبه وانه هو خلاص فاقد الوعي مايندرى بيعيش ولا
لا ، ويوم شافت عليا الموقف ياها هبوط ، واغمى عليها من الصدمه
وتربع الأم صوب بنتها ويشلنها الحرمات داخل ويروح بو سالم يشغل السياره
وقاموا الشباب وشلوا بطي صوب مستشفى توام ، وفي السياره بطي كان ينزف بشكل مش
طبيعي لأن بطنه انطر وايد ويده وريله انحرقت من حرارة الدراجه وعشر دقايق الا
وهم في مستشفى توام وودوه على طول قسم الطواري ودخلوه عند الدكتور ويوم شافه
الدكتور قال ..... تعرفون شو قال
* تبون تعرفون الدكتور شو قال ... ترقبوا الجزء الياي ... تحياتي ...

[مافيـا]

هلا بالغاليــه

ويسلموو ع الجزء

وانا بانتظار اللي بعده

ب
ر
ب

[النايفة]

الجزء الرابع و السموحة لأني ابطيت عليج يالغلا ...

الجزء الرابع
=======
دخلوا بطي عند الدكتور ويوم شافه الدكتور قال لازم الحين تتبرعوله بدم لأن
اذا محد تبرع له بأسرع وقت ممكن ، يمكن انه يموت لأنه نزف من الدم وااااايد ،
فقام سالم وقال لبوه أنا فصيله دمي نفس فصيلته ، وراح سالم مع الدكتور وخذا
منه دم ونقلوه لبطي اللي كان شكله يكسر الخاطر حتى العدو لو شافه بيرأف بحاله
، ونقل الدكتور الدم لبطي وخاطوا بطنه ولفوا ايده وريله عن الحرق واكتشفوا
بعد ان في ريله شظ خفيف ، بعدين اتصل بو سالم لعمير بو بطي يخبره بالسالفه
ويي ابو بطي وامه (روضه) للعين وحليلها الأم يايه بلا عباه من العيله والخوف
على ولدها ، وأول مادخلوا قسم الطواري تربع الأم صوب الدكتور وهي تصيح
ام بطي: ها دكتور طمني ربه بخير ولدي
الدكتور: الحمدالله احنا ادرنا ننقزوه في آخر لحظه
ام بطي : مشكور يادكتور وماتقصر
الدكتور: المفروض ماتشكرنيش أنا اشكري الأخ الله يجزاه الخير هو اللي تبرع
لبنك
وتلف ام بطي على سالم وتقوله : مشكور ياولدي يا سالم والله اني ماعرف كيف أرد
لك الجميل
سالم: عنبو يا خالتيه بطي خويه واللي سويته واجب عليه
ام بطي: والله انك ريال ياولدي ياسالم
بو سالم + بو محمد: تستحقين سلامة ولدج ياام بطي
ام بطي : الله يسلمكم من الشر انشالله ويعله ماييييكم
بو بطي: مشكورين وماتقصرون يابو سالم
بوسالم: لا شكر عواجب هذا ولدنا ولا زم انسوي المطلوب منا
وعقب ماطمنوا على بطي راح كلن من بو محمد وبو سالم صوب بيته وتمت ام بطي وبوه
عنده في المستشفى

...في العزبه عند الحرمات ...

عليا حليلها بعدها مش في كامل وعيها ، صح انها نشت من عقب ما اغمى عليها
لكنها بعدها تنتفظ من شعرة راسها يلين ظفر ريولها ،هي المسكينه اتحرى خلاص
حبها الأول والأخير بيروح عنها ومابيرد مره ثانيه وقعدة اتهلوس واتقول حق
ميثا خلاص يعني مابشوفه مابيفز قلبي من شوفته من بعد هاليوم يعني خلاص كل شي
انتهى مابي يوم وأشوفه ياي عشان خاطريه من بوظبي ويفرحني بييته ها ميثا ردي
عليه دخيلج لاتقولولي انه مات تراني والله بموت من عقبه ، والام المسكينه
اللي مقعدينها في الصاله عشان ماتتعب عليهم لأنها حامل ، قاعده تصيح وماتعرف
ان اذا مات بطي بنتها بتموت وياه ،وتمت الام خايفه على بنتها وتصيح تقول
اشبلاها بنتي فجأه طاحت ليكون التبست بس وايه ياحسرة قلبج بانوره ، والأهل من
أصبحوا وهم يهدونها بس ماشي فايده
ام محمد: بس يا نوره بنتج مافيها الا العافيه
الريم: بس عاد يامايه ، انتي تعرفينها علايه وااايد حساسه ورقيقه ماتحمل
الصدمات
ام سالم وهي بعدها اتصيح : واعليه عليج يابنتي يعله فيني ولا فيج ،الريم قومي
هاتي لختج كوب ماي بسرعه ومسحي به على ويها واقري عليها قرآن يمكن تهدا
الريم : انشالله امي
وتطلع ميثا من الحجره وهي تصيح عحال ختها: امي عطيني التلفون بدق حق بويه
بتخبره شو حل ابهم وشو وعلوم بطي
وتفر ام سالم التلفون على ميثا وتتصل ميثا ببوها ويطمنها ان بطي مافيه الا
العافيه وبيطلع انشالله عقب كم من يوم ، وتسكر ميثا عن ابوها وهي فرحانه
وتروح صوب ختها عليا وتهمس الها في اذنها وهي شوي وبتصيح خانقتنها العبره
ميثا: علايه حبيبتي بطوي مامات بعده عايش والحمدالله مافيه الا العافيه يعني
بتشوفينه وبنروح له في المستشفى يوم بتقومين بالسلامه وبيفز قلبج يوم
بتشوفينه علايه دخيلج بس عاد يالله قومي والله انه قلبي يعورني وشوي شوي
بدت التهلويسات والنفظه تروح عن عليا الين ردت لحالتها الطبيعيه ،بس هي بعدها
تعبانها وجسمها وااااايد يعورها وراسها بينفجر من كثر الصداع اللي فيها وربع
ساع وان بو محمد وبو سالم داشين وشل ا كل واحد حرمته وعياله وراحوا البيت
وماستانست عليا هاليوم في العزبه لأن كان هذا اليوم من أشئم الأيام في حياتها
، ووصلت عايله بو محمد البيت ونامت عليا من وقت لأنها تعبانه وبالباجر الصبح
نشت وراحت محل الورود وشترت باقه كبيييييييييييره حق بطوي أونها عاد من
خواتها كلهن وشلت الأم فوالتها وراحوا صوب المستشفى عند بطوي عشان يسلمون
عليه ويتحمدوله بالسلامه

.. في المستشفى ..

بو سالم : السلام عليكم
بو بطي: مرحبا والله قرب قرب
بو سالم : السلام عليج ياام بطي
ام بطي : وعليكم السلام مرحبا والله قربوا قربوا داخل الصاله
وسلمن الحرمات على بعض وراحت ام بطي ويا ختها ام سالم صوب المطبخ يحطن
الفواله حق الرياييل وراحن البنات يسلمن على ولد خالتهن بطي ، دخلت عليا وهي
شاله الباقه وويها مايبن من كبر الباقه اللي كانت ملفوفه بااليف مال النخل
وفيها كل أنواع الورود ،وحطت الورد على الطاوله
الريم+ ميثه + موزه: الحمدالله على السلامه ياراعي البانشي
بطي وهو فرحان ومبتسم لأنه شاف عليا : وعليكم السلام والرحمه ، اللللللله كل
هذا عشاني (يقصد الباقه)
ميثا وهي اطالع علايه وتظحك : علايه حشرتنا قالت لازم نيبله شي ولا نحن
امبونا هب حافلينك
بطي وهو يظحك ويطالع عليا : ماتقصر بنت سيف شوفتها بس أكبر هديه عندي
ميثا : ايه عيب هذا وحن هني جي تقول الله يعين لو ظهرنا شو بتسوي ، يالله عاد
غد ريال واستطلب
بطي: هههههههههههههه أسميج انتي راعية سوالف وعليج حركات
باااااااااااااااااااايخه ههههههههههههه
ميثا وهي تطنز على بطي : أنا البايخه عيل ولا انت دخيلك أوني راعي دراجات ياي
مسرع ونسى يخفف السرعه الحبيب يتحرى عمره راكب سيكل ، تصدق بطوي اني مت عليك
من الظحك بس في نفس الوقت حزنت
عليا: ايه ماسمحلج تطنزين عولد خالتيه
الريم: بسم الله انزين شو قالت هي الحين ، الا قاعده أتسولف عاااااادي صح
بطوي
بطوي وهو ميت من الظحك : لالا لالا مب عادي
وقفّت عليا عنهم وراحت تبطل الباقه عشان اتحطها في المزهريه وطلعت موزه ختهن
وراحت عند بوها في الصاله ، واستغل بطي الوظع وكلم الريم وميثا بصوت واطي
عشان عليا ماتسمعهم
بطي: أقولكن ظهرن شوي برى أريد أكلم عليا في شي خاص
الريم+ ميثا: انزين بس لاتأخر لأن اذا شافها بويه بيذبحها واذا شافتكن موزه
بينتشر الخبر في العين كلها
بطي: هههههههه انزين يالله
طلعن الريم وميثا وسمعت عليا كعوبهن وهن يمشن ولفت صوبهن
عليا : انزين قولن انكن بتظهرن عشان نظهر رباعه
الريم: لالالالاانتي خليج شوي ،الريال يبا يكلمج
عليا : انزين قعدن شو يعني
ميثا: تستهبلين حظرج تقولج الريال يبا يكلمج تقولين قعدن ، يالله خلي عنج دلع
البنات واسمعي كلام ريلج
ومن قالت ميثا هالكلام الا علايه شوي وبتنخش ورى الستاره من المستحى وطلعن
البنات وخلن علايه وبطوي ارواحهم في الحجره
بطي: شحالج علايه
علايه وهي مستحيه وموخيه راسها : الحمدالله بخير ، انت شحالك
بطي: من شفتج أكيد بكون بخير
عليا: ..............
بطي: انزين كيف تبيني أكلمج وانتي واقفه هناك هاتي لج كرسي وتعالي هني عدالي
عليا: لالالا ماعليه أنا هني مرتاحه وأسمعك عدل
بطي: انزين أنا مش مرتاح تعالي والله ماباكلج
راحت عليا يابت الكرسي اللي عدالها وسحبته الين الشبريه وقعدت ، واعتدل بطي
في قعدته ومسك ايد عليا وكلمها بجديه
بطي: عليا انتي صدق تحبيني ؟
عليا : .....................
بطي: عليا حبيتي لاتسكتين جاوبيني انتي كل مره تسكتين وماجاوبيني وأنا خلاص
تعبت، عليا أنا قلبي كثر حبج تألم متى بتحسين فيني وبجاوبيني ، بس قوليلي
تحبيني ولا لا ،وارحميني من العذاب اللي أنا فيه
عليا تهز راسها على ان الاجابه هيه تحبه
بطي: صدق عليا يعني أفهم من حركتج انج تحبيني
عليا: وأموت فيك
وقامت من على الكرسي وحبة بطي على راسه وظهرت عنه
عند خواتها في الغرفه الثانيه لأن اذا قعدة عنده أكثر شي بيستوي بها من
الفرحه ، وكان بطي ميت من الفرحه يحس انه بيطير ونش من الشبريه مع انه ريله
ملفوفه وتعوره ، وراح الصاله وقال لبوه ابويه أنا أريد أطلع اليوم خلاص أنا
مافيني شي وما أحس بشي وتم الابو مستغرب من كلام بطي لأنه أمس مابات الليل من
كثر الويع اللي في بطنه واليوم يريد يظهر شو السالفه

• ظنكن بيرخصه الدكتور ولا شوه ؟
• وشو سالفة بطي ليش يريد يظهر من المستشفى بسرعه؟

[مافيـا]

اللي بعده ..

(((17)))

[مافيـا]

اهئ اهئ

وين اللي بعده ؟؟!!