King Of Darkness
05-01-2004, 01:29 PM
~3
الموضوع راح يكون عن انيميشون اسمه بيرسيرك، اي المتوحش، و اللي اقول عنه انه اكبر غلطه وقع فيها الرسامين اليابانيين، لانهم تخطوا كل الحدود و انجبوا هذا المسلسل اللي يعتبر حسب رأيي( و كل شخص له رايه) افضل انيميشون موجود على هالكوكب، و عشان كذا راح يكون اي انيمي يصدر بعده اقل مستوى منه. ادري ان كل شوي جايك واحد و رامي موضوع يقول هذا الانيمي احسن انيمي موجود و من هالكلام، لكن يا ليت اي واحد طرح من هذي المواضيع انه يشوف بيرسيرك و يحكم........
ما ودي اكثر من مدحه اخاف يشوفه احد و يكون اقل من ما توقع( مع انه مستحيل) ، و لكن على العموم، اليكم ملخص بسيط جدا عن المسلسل:
بطل المسلسل اسمه Gatts غاتس، و تشوفون في بداية الحلقة الاولي مجموعة لصوص مهبل ماسكين بنت صغيره و دخلوبها في بار، و ما غير ضرب و تعذيب فيها و كل اللي في البار ساكتين مروعينهم هالعرابجه.
شوي و يدخل جد البنت شايب ما يقوى يشيل نفسه و يحاول يكلمهم و لا فيه فايده و دبجوه هو بعد، شوي و يدخل عليهم واحد جثه - اللي هو غاتس- و لعب فيهم في دقيقة بسيف كبر الجدار.
ترك واحد منهم حي، و قال له انه يقول لزعيمهم ان بلاك سورد مان جا و لعب فينا .
المهم وصل الخبر للزعيم و التقا مع غاتس مع جنوده ، هجموا الجنود على غاتس و طاخ طيخ طوخ، قال بهم كلهم، عصب زعيمهم و يتحول لك ثعبان وش كبره.
و قام غاتس يتكامخ مع هالثعبان، تعب شوي معه بس في الاخير شطره نصين، و طاحت قلاده من الوحش و خذها غاتس و قام يعذب في هالوحش و كان الحوار بينهم قمة في الروعه- تحس يبرد القلب- ( اتركه لكم تشوفونه ) و مشى غاتس و تركه بعد ما ذبحه.
هذي الحلقه تعتبر بعد الاحداث اللي صارت في الحلقة الاخيره .
بعد معركة الثعبان ،،،،،،، ترجع بك الاحداث الى بداية القصة ايام ما كان غاتس شباب، و اللي كان عنده حلم انه يكون غير قابل للهزيمة، يتخيل نفسه شخص لابس درع و معه سيفه و يصفق اي واحد.
بداية الحلقة الثانية نشوف غاتس ايام شبابه و كانت يشتغل ميرسيناري، يعني يسوي مهمات مقابل المال. و كان غاتس يدور عن احد يستخدمه، و في طريقة وصل حصن محاصر و شاف فارس ضخم و قام يتضارب معه...
فالاخير هزمة........ و كمل طريقة يدور احد يستخدمه.
و في الطريق لاقى كم واحد قاموا يتحرشون فيه، و قاموا يتضاربون معه، و صفقهم، و كانوا هالاشخاص اعضاء في جماعة الصقور the Hawks ، شوي و تجي بنت تتضارب مع غاتس اسمها كاسكا Caska ، و يتضارب معها شوي و لا قدرت تهزمه، و كانت لها مكانه في الصقور، فتوقعوا انها تهزمة، فالاخير جا قائدهم غريفيس Griffith ، و شرشح غاتس .
و يمكن يعتبر هو الوحيد اللي هزم غاتس حتى الان.
كانت جماعة الهوكس( الصقور) لها نفس وظيفة غاتس، يعني ميرسيناريز، لكن هم جماعه.
بعد هزيمة غاتس اخذوه و ضمدوا جراحه.
شوي و يعصب غاتس لان غريفيس هزمه، و يروح لمه بيتضارب معه.
و تنتهي هنا الحلقة الثانية.........
في بداية الحلقة الثالثة، وضع غريفيس تحدي بينه و بين غاتس، بان الفائز يطلب من المهزوم اللي يبي.... غاتس وافق، و بدأو المكامخه.
بعد مضاربة السيوف (اللي اشبه بالسرك ) طارت عنهم سيوفهم و صاروا يتباقسون، في النهاية انتصر غريفيس و طلب من غاتس انه ينضم الى جماعتهم فاضطر غاتس انه يوافق.
في البداية كان غاتس متضايق شوي من هالجماعه، اللي غيرت هدفه في الحياة، لكن بعد فتره، بدأ يتأقلم مع الوضع و صار جزء مهم و فعال في هذي الجماعه ................
و تستمر الحلقات و غاتس يفكر عن الحلم اللي يمشي وراه طول هالسنوات..... هل تغير فجأه؟؟ هل يصير حلمة بان يكون عضو في هالجماعه؟ او يدور عن حلم خاص به لا علاقة لهذي الجماعه اللي غيرت حياته به؟؟؟
شوفوا و تعرفون ..........
ملاحظه صغيره يا شباب:
تراني ما ذكرت الا حلقتين او ثلاث من هالانمي....ولو تتابعونه والله راح تعرفون وش معناة انه مجنون
واظن انكم ما راح تفهمون القصه الا اذا تابعتوه اصلا
::::: اللي يبوني اكمل حتى لو ما شافوا المسلسل يا ليت يعلموني ... و راح اسوي اللي اقدر عليه انشالله.
الموضوع راح يكون عن انيميشون اسمه بيرسيرك، اي المتوحش، و اللي اقول عنه انه اكبر غلطه وقع فيها الرسامين اليابانيين، لانهم تخطوا كل الحدود و انجبوا هذا المسلسل اللي يعتبر حسب رأيي( و كل شخص له رايه) افضل انيميشون موجود على هالكوكب، و عشان كذا راح يكون اي انيمي يصدر بعده اقل مستوى منه. ادري ان كل شوي جايك واحد و رامي موضوع يقول هذا الانيمي احسن انيمي موجود و من هالكلام، لكن يا ليت اي واحد طرح من هذي المواضيع انه يشوف بيرسيرك و يحكم........
ما ودي اكثر من مدحه اخاف يشوفه احد و يكون اقل من ما توقع( مع انه مستحيل) ، و لكن على العموم، اليكم ملخص بسيط جدا عن المسلسل:
بطل المسلسل اسمه Gatts غاتس، و تشوفون في بداية الحلقة الاولي مجموعة لصوص مهبل ماسكين بنت صغيره و دخلوبها في بار، و ما غير ضرب و تعذيب فيها و كل اللي في البار ساكتين مروعينهم هالعرابجه.
شوي و يدخل جد البنت شايب ما يقوى يشيل نفسه و يحاول يكلمهم و لا فيه فايده و دبجوه هو بعد، شوي و يدخل عليهم واحد جثه - اللي هو غاتس- و لعب فيهم في دقيقة بسيف كبر الجدار.
ترك واحد منهم حي، و قال له انه يقول لزعيمهم ان بلاك سورد مان جا و لعب فينا .
المهم وصل الخبر للزعيم و التقا مع غاتس مع جنوده ، هجموا الجنود على غاتس و طاخ طيخ طوخ، قال بهم كلهم، عصب زعيمهم و يتحول لك ثعبان وش كبره.
و قام غاتس يتكامخ مع هالثعبان، تعب شوي معه بس في الاخير شطره نصين، و طاحت قلاده من الوحش و خذها غاتس و قام يعذب في هالوحش و كان الحوار بينهم قمة في الروعه- تحس يبرد القلب- ( اتركه لكم تشوفونه ) و مشى غاتس و تركه بعد ما ذبحه.
هذي الحلقه تعتبر بعد الاحداث اللي صارت في الحلقة الاخيره .
بعد معركة الثعبان ،،،،،،، ترجع بك الاحداث الى بداية القصة ايام ما كان غاتس شباب، و اللي كان عنده حلم انه يكون غير قابل للهزيمة، يتخيل نفسه شخص لابس درع و معه سيفه و يصفق اي واحد.
بداية الحلقة الثانية نشوف غاتس ايام شبابه و كانت يشتغل ميرسيناري، يعني يسوي مهمات مقابل المال. و كان غاتس يدور عن احد يستخدمه، و في طريقة وصل حصن محاصر و شاف فارس ضخم و قام يتضارب معه...
فالاخير هزمة........ و كمل طريقة يدور احد يستخدمه.
و في الطريق لاقى كم واحد قاموا يتحرشون فيه، و قاموا يتضاربون معه، و صفقهم، و كانوا هالاشخاص اعضاء في جماعة الصقور the Hawks ، شوي و تجي بنت تتضارب مع غاتس اسمها كاسكا Caska ، و يتضارب معها شوي و لا قدرت تهزمه، و كانت لها مكانه في الصقور، فتوقعوا انها تهزمة، فالاخير جا قائدهم غريفيس Griffith ، و شرشح غاتس .
و يمكن يعتبر هو الوحيد اللي هزم غاتس حتى الان.
كانت جماعة الهوكس( الصقور) لها نفس وظيفة غاتس، يعني ميرسيناريز، لكن هم جماعه.
بعد هزيمة غاتس اخذوه و ضمدوا جراحه.
شوي و يعصب غاتس لان غريفيس هزمه، و يروح لمه بيتضارب معه.
و تنتهي هنا الحلقة الثانية.........
في بداية الحلقة الثالثة، وضع غريفيس تحدي بينه و بين غاتس، بان الفائز يطلب من المهزوم اللي يبي.... غاتس وافق، و بدأو المكامخه.
بعد مضاربة السيوف (اللي اشبه بالسرك ) طارت عنهم سيوفهم و صاروا يتباقسون، في النهاية انتصر غريفيس و طلب من غاتس انه ينضم الى جماعتهم فاضطر غاتس انه يوافق.
في البداية كان غاتس متضايق شوي من هالجماعه، اللي غيرت هدفه في الحياة، لكن بعد فتره، بدأ يتأقلم مع الوضع و صار جزء مهم و فعال في هذي الجماعه ................
و تستمر الحلقات و غاتس يفكر عن الحلم اللي يمشي وراه طول هالسنوات..... هل تغير فجأه؟؟ هل يصير حلمة بان يكون عضو في هالجماعه؟ او يدور عن حلم خاص به لا علاقة لهذي الجماعه اللي غيرت حياته به؟؟؟
شوفوا و تعرفون ..........
ملاحظه صغيره يا شباب:
تراني ما ذكرت الا حلقتين او ثلاث من هالانمي....ولو تتابعونه والله راح تعرفون وش معناة انه مجنون
واظن انكم ما راح تفهمون القصه الا اذا تابعتوه اصلا
::::: اللي يبوني اكمل حتى لو ما شافوا المسلسل يا ليت يعلموني ... و راح اسوي اللي اقدر عليه انشالله.