ملاك
02-07-2004, 07:53 PM
طنش تعش تنتعش
قال الراوي يا سادة يا كرام ..
كان جيل أول من كلمة الواجب يرتعش ..
أما اليوم فشعاره (( طنش تعش تنتعش )) ؟
شباب مو شاطرين غير بالفزلكة .. أحلامهم كلها مكركبة
مشاريعهم متل المفركة ..
سهرات و روحات و جيات مشبكة ..
كل هاد و نفسياتهم ملبكة ..
و لما يقرروا يرتبوا هالفوضى ..
يحطوا ايديهم على الخد و يقولوا.. من وين بدنا نبدا ؟
لما فصل الصيف بيطل .. شغل و تعزيل عند الكل
و السجاد شغلو بيهد .. و ست البيت طناش ما بترد
شو يعني اجا الصيف .. و النكتة اذا جاييهم ضيف
و أولادها تعودو على الفوضى .. ما بيسمعوا التنبيه الا بالروضة
و زوجها طقت مرارتو من هالعيشة المرة ..
و قررت تزبط حياتها قبل ما يجيب عليها ضرة ..
تحط ايدها على خدا و تقول .. من وين بدي ابدا ؟
و جيل تعود عالتسويف و التأجيل ..
مو شاطر بالمدرسة غير بالتعطيل ..
تلاقيه بأفكارو سارح .. يشرب ( ميلو ) و يقرمش ( شيبس ) مالح
و لما يطل الامتحان .. حيث يكرم المرء أو يهان
خلقو ضيق و جوابو جارح .. لونو أصفر مرعوب و كالح
و الكتب ادامو كوام كوام .. كأنها حبلة الحكم بالاعدام
يحط ايدو على خدو و يقول .. من وين بدي ابدا ؟
و رجال البيت برقبتو عيلة .. عالمصروف الكبير ما الو حيلة
دوبو يلحق شغلو كتير .. عايش بالضيق و التعتير
اذا ربنا فتحها عليه و انفرجت حالتو ..
بطيرو ضبنات عقلو و بينسى مراتو
دوبو يشوف حالو بالمال الكتير .. بيروح يصرفو من دون تفكير
همو الاسراف و التبذير .. سيارة و عفش بدهم تغيير
و زوجة صغيرة ترجعلو شبابو .. نسي يللي كانت صابرة مع عذابو
و عاش أيامو و هو عم يصرف الساعات .. بلا تفكير أو عمل و ضاعت الليرات
و متل ما اجا المال بيطير .. و بيرجع ينام عالحصير
يحط ايدو على خدو و يقول .. كيف بدي ارجع ابدا ؟
هي نماذج من الواقع .. لكن مين هو المفلح البارع ؟
طبعاَ يللي استجاب للنصيحة .. المنسوجة باللغة الفصيحة
لا تؤجل عمل اليوم الى الغد .. منشان ما تحط ايدك على الخد
هادا الدوا للأفراد .. بس شو العمل بامة غزاها الفساد
معقولة نكمل العيشة و نحنا عم نلطم الخدود ..
و نلوم حالنا و نحنا عم نتحسر على أيام الجدود ..
أما أننا فعلا .... رح نبدا ؟
(19)
قال الراوي يا سادة يا كرام ..
كان جيل أول من كلمة الواجب يرتعش ..
أما اليوم فشعاره (( طنش تعش تنتعش )) ؟
شباب مو شاطرين غير بالفزلكة .. أحلامهم كلها مكركبة
مشاريعهم متل المفركة ..
سهرات و روحات و جيات مشبكة ..
كل هاد و نفسياتهم ملبكة ..
و لما يقرروا يرتبوا هالفوضى ..
يحطوا ايديهم على الخد و يقولوا.. من وين بدنا نبدا ؟
لما فصل الصيف بيطل .. شغل و تعزيل عند الكل
و السجاد شغلو بيهد .. و ست البيت طناش ما بترد
شو يعني اجا الصيف .. و النكتة اذا جاييهم ضيف
و أولادها تعودو على الفوضى .. ما بيسمعوا التنبيه الا بالروضة
و زوجها طقت مرارتو من هالعيشة المرة ..
و قررت تزبط حياتها قبل ما يجيب عليها ضرة ..
تحط ايدها على خدا و تقول .. من وين بدي ابدا ؟
و جيل تعود عالتسويف و التأجيل ..
مو شاطر بالمدرسة غير بالتعطيل ..
تلاقيه بأفكارو سارح .. يشرب ( ميلو ) و يقرمش ( شيبس ) مالح
و لما يطل الامتحان .. حيث يكرم المرء أو يهان
خلقو ضيق و جوابو جارح .. لونو أصفر مرعوب و كالح
و الكتب ادامو كوام كوام .. كأنها حبلة الحكم بالاعدام
يحط ايدو على خدو و يقول .. من وين بدي ابدا ؟
و رجال البيت برقبتو عيلة .. عالمصروف الكبير ما الو حيلة
دوبو يلحق شغلو كتير .. عايش بالضيق و التعتير
اذا ربنا فتحها عليه و انفرجت حالتو ..
بطيرو ضبنات عقلو و بينسى مراتو
دوبو يشوف حالو بالمال الكتير .. بيروح يصرفو من دون تفكير
همو الاسراف و التبذير .. سيارة و عفش بدهم تغيير
و زوجة صغيرة ترجعلو شبابو .. نسي يللي كانت صابرة مع عذابو
و عاش أيامو و هو عم يصرف الساعات .. بلا تفكير أو عمل و ضاعت الليرات
و متل ما اجا المال بيطير .. و بيرجع ينام عالحصير
يحط ايدو على خدو و يقول .. كيف بدي ارجع ابدا ؟
هي نماذج من الواقع .. لكن مين هو المفلح البارع ؟
طبعاَ يللي استجاب للنصيحة .. المنسوجة باللغة الفصيحة
لا تؤجل عمل اليوم الى الغد .. منشان ما تحط ايدك على الخد
هادا الدوا للأفراد .. بس شو العمل بامة غزاها الفساد
معقولة نكمل العيشة و نحنا عم نلطم الخدود ..
و نلوم حالنا و نحنا عم نتحسر على أيام الجدود ..
أما أننا فعلا .... رح نبدا ؟
(19)