الكايد يهوووووووووون....

[سيف العرب]

الكايد يهون







بسم الله الرحمن وابليس ملعون
مبدى كلامي بالسلام وتحيه
لا يا قصيدي هات والقاف موزون
حل الطلب لا عاد تبخل عليه
لا من نخيتك لا تجي دون في دون
ذب العمامه ..قرّب الشاذليه
قرّب معاميلٍ لها حس ولحون
نجرٍ سرى صوته مع الجرهديه
ومن المزل اليا انتشا صافي اللون
زله بصفرا والجمر هات حيه
وسقها على من ضاق به واسع الكون
قامت هجوسه تبترم به كذيه
مسمورةٍ تبري خوى كل مغبون
وعطني مع الفنجال فنجال زيه
خل القرايح تنتفض راس ومتون
اشعل بها ذيك الهجوس الخفيه
خليتك اغلى من النظر لاسءود النون
(............................)
اللى طرا ليّ العرب فيه يدرون
كلٍ على كبده من العلم كيه
شيٍ حصل في المملكه كيف وشلون
ما ينتصدق كُود بالجاهليه
يا شلة التخريب مهما تسوّون
يالشرذمه يا اهل العقول الرديه
انتم حثالة مجتمع ما تدومون
مهما فعلتم ما لكم قابليه
والله ما يهتز فينا ولا لون
ما دام نايف قايد الداخليه
خذيتو السنه لكم درع وحصون
وانتم نواياكم على الدين سيه
برج المحيا كانكم ما تشوفون
كم من ضحيه كم .. كم من ضحيه
من جرمكم كم مسلمٍ صار مدفون
واللي سلم جاته بوجهه شظيه
ما دامكم للدين تبغون توفون
وش ذنب تفجير النفوس البريه
وش ظنكم لجنة الخلد ترءدون
عقب الجرايم وارتكاب الخطيه
تخسون ثم تخسون واقول تخسون
يا اهل الوجيه المظلمات البذيه
ياسيدي نايف طلبتك ولا تهون
لا تاخذك رأفه ولا مرحميه
اللي نووا في دارنا لا يخلون
بالسيف الاملح واختصرها قضيه
اضرب على الهامات والكايد يهون
وحنا معك جندٍ على كل هيه